റേഡിയോ കേരളയിലൂടെ പാഠഭാഗങ്ങൾ  ഇനി കേട്ടും പഠിക്കാം 

 | 
RADIO

തിരുവനന്തപുരം: കോവിഡ് സാഹചര്യത്തിൽ  വിദ്യാർഥികൾക്ക് ഓൺലൈൻ ക്ലാസ് കൂടാതെ റേഡിയോയിലൂടെയും പാഠഭാഗങ്ങൾ കേട്ടു പഠിക്കാൻ അവസരം. സംസ്ഥാന സര്‍ക്കാരിന്റെ ഇന്റര്‍നെറ്റ് റേഡിയോ 'റേഡിയോ കേരള'യിലൂടെയാണ് യുപി - ഹൈസ്‌ക്കൂള്‍ ക്ലാസുകളിലെ പാഠഭാഗങ്ങള്‍ ആസ്പദമാക്കിയുള്ള പ്രത്യേക പരിപാടി തുടങ്ങുന്നുത്.

കോവിഡ് കാലത്ത് പഠനം ഓണ്‍ലൈനിലേക്ക് മാറാന്‍ നിര്‍ബന്ധിതമായതിനാല്‍ അഞ്ചു മുതല്‍ 10 വരെ ക്ലാസുകളിലെ വിദ്യാര്‍ത്ഥികള്‍ക്ക് പഠനത്തിന് സഹായകമാവുന്ന രീതിയിലാണ് റേഡിയോ കേരള 'പാഠം' എന്ന പേരില്‍ പ്രതിദിന പരിപാടി പ്രക്ഷേപണം ചെയ്ത് തുടങ്ങുന്നത്.

ജൂലായ് 19 തിങ്കളാഴ്ച്ച മുതല്‍ radio.kerala.gov.in എന്ന വെബ്‌സൈറ്റ് വഴിയും, റേഡിയോ കേരള ആപ് വഴിയും പരിപാടി കേള്‍ക്കാവുന്നതാണ്. പാഠത്തിന്റെ സമയവും മറ്റ് വിവരങ്ങളും റേഡിയോയിലൂടെയും ഫെയ്‌സ്ബുക്ക് അക്കൗണ്ട് (www.facebook.com/prdradiokerala) വഴിയും അറിയാം.