സിഎസ്കെയ്ക്ക് ഇനിയും പ്ലേ ഓഫിലെത്താം; ഇര്ഫാന്

 | 

രാജസ്ഥാന്‍ റോയല്‍സിനോടും തോറ്റതോടെ ചെന്നൈ സൂപ്പര്‍ കിങ്‌സിന്റെ പ്ലേ ഓഫ് പ്രതീക്ഷകള്‍ മങ്ങിയിരിക്കുകയാണ്. 10 കളികളില്‍ നിന്നും 6 പോയന്റ് മാത്രമുള്ള ടീമിന് ഇനി 4 കളികളാണ് ശേഷിക്കുന്നത്. എല്ലാ കളികളിലും ജയിച്ചാലും മറ്റു ടീമുകളുടെ പ്രകടനത്തിന്റെ അടിസ്ഥാനത്തിലായിരിക്കും സിഎസ്‌കെയുടെ സാധ്യത. 

ഏതെങ്കിലും ഒരു ടീമിന് എട്ടാം സ്ഥാനത്തുനിന്നും തിരിച്ചുവരാന്‍ കഴിയുമെങ്കില്‍ അത് സിഎസ്‌കെ മാത്രമായിരിക്കുമെന്ന് മുന്‍ ഇന്ത്യന്‍ താരം ഇര്‍ഫാന്‍ പഠാന്‍. സിഎസ്‌കെയ്ക്ക് അവരുടെ കളിക്കാരെ എങ്ങിനെ ഉപയോഗിക്കണമെന്ന് വ്യക്തമായി അറിയാം. 2015ല്‍ ഞാന്‍ അവരുടെ ടീമിന്റെ ഭാഗമായിരുന്നു. ക്രിക്കറ്റിനെ വര്‍ഷങ്ങളോളം മുന്നോട്ടു കൊണ്ടുപോകേണ്ടതെങ്ങിനെയെന്നും ഈ ഫ്രാഞ്ചൈസിക്കറിയാം. കളിക്കാരെ മികച്ച രീതിയില്‍ വിനിയോഗിക്കാന്‍ ചെന്നൈ ലീഗില്‍ ഉള്‍പ്പെടെ അവര്‍ക്ക് കഴിയുന്നുണ്ടെന്നും ഇര്‍ഫാന്‍ ചൂണ്ടിക്കാട്ടി.
സുരേഷ് റെയ്‌ന, ഹര്‍ഭജന്‍ സിങ് തുടങ്ങിയവര്‍ ഇല്ലാത്തത് ഇത്തവണ അവര്‍ക്ക് കോട്ടമായിട്ടുണ്ട്. ചില കളിക്കാര്‍ക്ക് പരിക്കേറ്റതും വനിയായി. എന്നിരുന്നാലും ടീം പ്ലേ ഓഫിലെത്തുമെന്നാണ് പ്രതീക്ഷ. കാരണം, ക്യാപ്റ്റന്‍ ധോണിയാണ് എന്നതുതന്നെ. ഐപിഎല്‍ ക്രിക്കറ്റില്‍ ഇത്രത്തോളം വിജയിച്ച ഒരു താരമില്ല. ഏതു സാഹചര്യത്തിലും ടീമിനെ മുന്നോട്ടുനയിക്കാന്‍ ധോണിക്കു കഴിയുമെന്നും ഇര്‍ഫാന്‍ വിശദീകരിച്ചു.