ലോകകപ്പ് ചരിത്രത്തിലെ ഏറ്റവും മികച്ച ഒരു ക്യാച്ച്

ലോകകപ്പ് ചരിത്രത്തിലെ ഏറ്റവും മികച്ച ഒരു ക്യാച്ച്

ലോക ക്രിക്കറ്റിലെ ഏറ്റവും മികച്ച ഫീൽഡർമാരിൽ ഒരാളാണ് ഫാഫ് ഡുപ്ലെസി. പലപ്പോഴും അത്ഭുതകരമായ ക്യാച്ചുകളെടുത്ത് ഡുപ്ലെസി ഞെട്ടിച്ചിട്ടുണ്ട്. ഇപ്പോഴിതാ 2019 ലോകകപ്പ് ക്രിക്കറ്റിലെ ആദ്യ മത്സരത്തിൽ തന്നെ അത്തരത്തിൽ ഒരു ക്യാച്ച് പിറന്നിരിക്കുകയാണ്. 

ഇംഗ്ലീഷ് ബാറ്റ്സ്മാൻ മോയിൻ അലിയുടെ ക്യാച്ചാണ് ഡുപ്ലെസി പറന്നെടുത്തത്. ദക്ഷിണാഫ്രിക്കൻ ബോളർ ലുങ്കി എൻഗിഡിയുടെ പന്തിലായിരുന്നു വിക്കറ്റ്. ഡുപ്ലെസിയുടെ ക്യാച്ച് സോഷ്യൽ മീഡിയയിൽ വൈറലാവുകയാണ്. 

ക്രിക്കറ്റ് ലോകകപ്പ് ഉദ്ഘാടന മത്സരത്തിൽ ആദ്യം ബാറ്റ് ചെയ്ത ഇംഗ്ലണ്ട് നിശ്ചിത 50 ഓവറിൽ എട്ട് വിക്കറ്റ് നഷ്ടത്തിൽ 311 റൺസെടുത്തു. 89 റൺസെടുത്ത ബെൻ സ്റ്റോക്സ് ആണ് ടീമിൻെറ ടോപ് സ്കോറർ. 

ഒരു ഘട്ടത്തിലും ഇംഗ്ലീഷ് ബാറ്റ്സ്മാൻമാർ അമിത ആക്രമണത്തിന് മുതിർന്നില്ല. ദക്ഷിണാഫ്രിക്കക്കായി എൻഗിഡി മൂന്ന് വിക്കറ്റെടുത്തു. റബാദയും താഹിറും രണ്ട് വിക്കറ്റുകൾ വീതം വീഴ്ത്തി.