‘ഡാനിയേല്‍ കേള്‍ക്കുന്നുണ്ട്’: ബിജുമേനോനും ഷെയ്ന്‍ നിഗമും

‘ഡാനിയേല്‍ കേള്‍ക്കുന്നുണ്ട്’: ബിജുമേനോനും ഷെയ്ന്‍ നിഗമും

ജോണി ആൻ്റണി ഒരുക്കുന്ന പുതിയ ചിത്രത്തിൽ ബിജുമേനോനും ഷെയ്ന്‍ നിഗമും മുഖ്യ കഥാപാത്രങ്ങളെ അവതരിപ്പിക്കുന്നു. ‘ഡാനിയേല്‍ കേള്‍ക്കുന്നുണ്ട്’ എന്ന് പേരിട്ടിരിക്കുന്ന ചിത്രത്തിനായി തിരക്കഥ രചിച്ചിരിക്കുന്നത് നവാഗതനായ അനില്‍ ലാലാണ്. ചിത്രത്തിലെ മറ്റു താരങ്ങളെ ഇതുവരെ നിശ്ചയിച്ചിട്ടില്ല. 

രക്ഷാധികാരി ബൈജുവിൻ്റെ നിര്‍മ്മാതാക്കളിലൊരാളായ അലക്‌സും ബിനുവും മീശമാധവൻ്റെ നിര്‍മ്മാതാക്കളിലൊരാളായ സുധീഷും ചേര്‍ന്നാണ് ചിത്രം നിര്‍മ്മിക്കുന്നത്. ഒക്ടോബര്‍ പകുതിയോടെ ചിത്രത്തിൻ്റെ ഷൂട്ടിംഗ് തുടങ്ങും. മധു നീലകണ്ഠനാണ് ചിത്രത്തിനായി ക്യാമറ കൈകാര്യം ചെയ്യുന്നത്. വിദ്യാസാഗറാണ് ചിത്രത്തിലെ ഗാനത്തിന് സംഗീതം പകര്‍ന്നിരിക്കുന്നത്. രഞ്ജന്‍ എബ്രഹാമാണ് ചിത്രത്തിൻ്റെ എഡിറ്റിംഗ് നിര്‍വ്വഹിക്കുന്നത്. 

ജോണി ആൻ്റണി മമ്മൂട്ടിയ്‌ക്കൊപ്പം ഗാന ഗന്ധര്‍വനിലും മോഹന്‍ലാലിനോടൊപ്പം ഇട്ടിമാണി മെയ്ഡ് ഇന്‍ ചൈനയിലും അഭിനയിക്കുകയാണിപ്പോൾ. ഇട്ടിമാണിയിൽ മോഹൻലാലിനൊപ്പം മാര്‍ഗ്ഗം കളി വേഷത്തിൽ ജോണി ആൻ്റണിയെ കണ്ടിരുന്നു.