പാർലമെൻറ് സമിതിക്ക് മുമ്പാകെ ഹാജരാകാൻ വിസമ്മതിച്ച് ആമസോൺ

 | 

2019ലെ ഡാറ്റ സംരക്ഷണബില്ലുമായി ബന്ധപ്പെട്ട ജോയിൻറ്​ പാർലമെൻറ്​ കമ്മറ്റിക്ക് മുമ്പാകെ ഹാജരാകാൻ ആമസോൺ വിസമ്മതിച്ച്​ . സമിതി അധ്യക്ഷ മീനാക്ഷി ലേഖിയാണ്​ ആമസോൺ ഹാജരാവിലെന്ന വിവരം അറിയിച്ചത്​. ഒക്​ടോബർ 28ന്​ ആമസോണിനോട്​ ഹാജരാവാൻ പാർലമെൻറ്​ സമിതി ആവശ്യപ്പെട്ടിരുന്നു. നിശ്​ചയിക്കപ്പെട്ട ദിവസം ആമസോൺ പ്രതിനിധികൾ എത്തിയില്ലെങ്കിൽ നടപടിയെടുക്കുമെന്നും മീനാക്ഷി ലേഖി പറഞ്ഞു.

പാർലമെൻറ്​ സമിതിക്ക്​ മുമ്പാകെ ​ഫേസ്​ബുക്ക്​ പ്രതിനിധികൾ ഇന്ന്​ ഹാജരായി. ഫേസ്​ബുക്ക്​ പബ്ലിക്​ പോളിസി തലവൻ അങ്കി ദാസും ബിസിനസ്​ ഹെഡ്​ അജിത്​ മോഹനുമാണ്​ സമിതിക്ക്​ മുമ്പാകെ എത്തിയത്​. ഇവരോട്​ രണ്ട്​ മണിക്കൂറോളം സമിതി വിവരങ്ങൾ ആരാഞ്ഞുവെന്നാണ്​ റിപ്പോർട്ട്​. ഗൂഗ്​ളിനോടും പേടിഎമ്മിനോട്​ സമിതി ഹാജരാവാൻ ആവശ്യപ്പെട്ടിട്ടുണ്ട്​. ഒക്​ടോബർ 29ന്​ ഇവർ ഹാജരാവണമെന്നാണ്​ നിർദേശം.

2019ലാണ്​ ഡാറ്റ സുരക്ഷാ നിയമം കൊണ്ടു വന്നത്​. ഇക്കാര്യത്തിൽ ചില ആശങ്കകൾ കോൺഗ്രസ്​ ഉൾപ്പടെയുള്ള പ്രതിപക്ഷ പാർട്ടികൾ ഉയർത്തിയതോടെയാണ്​ പാർലമെൻറ്​ സമിതിയെ നിയോഗിച്ചത്​.